國立臺中教育大學台灣語文學系tī 2004 年8 月正式招生,每年 招收大學部1 班,kàu 2008 年才有頭屆ê 畢業生,kàu 2012 年8 月 為止,總共有5 屆5 班ê 畢業生。國立臺中教育大學台灣語文學系 向望栽培出來ê 學生,tī 台灣語言、文學kap 文化lóng 有tsin tsāi ê 基礎教育,而且koh ài tuì 台灣語言、文學kap 文化內底培養個人特 別ê 專長。台灣母語文學相關ê 課程kap 訓練tī 國立臺中教育大學 台灣語文學系一直是kài 要意--ê。本論文按算beh 論析國立臺中教 育大學台灣語文學系自2004 年93 學年創系kàu 2012 年101 學年ê 台灣母語文學課程ê 演變。向望會當hōo 未來ê 台灣語文相關學系 ê 台灣文學課程koh-khah 圓滿。